.png)
Gazeta Si – Qeveria gjermane, Federata Gjermane e Futbollit (DFB) dhe UEFA kanë bërë me dije se po punojnë shumë fort së bashku për të garantuar që Europiani 2024, që zhvillohet në Gjermani verën e ardhshme, të jetë kampionati më i qëndrueshëm i të gjitha kohërave.
"Euro 2024 do të shënojë një standard të ri për eventet e mëdha sportive: bashkëpunues dhe i qëndrueshëm para, gjatë dhe pas aktivitetit", - ka deklaruar Nancy Faeser, ministrja federale e brendshme e komunitetit në forumin inaugurues në Frankfurt.
"Po punojmë çdo ditë bashkë për këtë, - ka shtuar Michele Uva, një nga drejtuesit e UEFA-s. - Euro 2024 është një mundësi shumë e mirë që ne të tregojmë se si qëndrueshmëria mund të jetë një forcë shtytëse për suksesin e eventit. Trashëgimia nuk është vetëm për Gjermaninë, por për gjithë futbollin europian dhe mund të frymëzojë edhe sportet e tjera”.
Andreas Schar, administrator i deleguar i Euro 2024 ka thënë se qëndrueshmëria do të jetë "pjesë e ADN-së së turneut". Për shembull, programi i ndeshjeve të fazës në grupe është bërë për të reduktuar në minimum spostimet mes 10 qyteteve që do të presin eventin
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
