Gazeta Si – Xhevahir Kapllani nuk është më trajner i Erzenit. Klubi shijakas ka bërë me dije nëpërmjet faqes së vet mbylljen e bashkëpunimit me trajnerin durrsak, të cilin e falënderon për punën e kryer deri tani.
Shkak i largimit të trajnerit Kapllani janë rezultatet e fundit, ku Erzenit i mungon fitorja prej shumë javësh dhe tashmë ka rrëshqitur në vend të 8-të. Shijakasit rrezikojnë të bien nga Superiorja me këtë pozicion, që i çon në ‘play-out’, ku me shumë mundësi kundërshtar do të jetë Flamurtari.
Kujtojmë që Erzeni e nisi shumë mirë këtë sezon, duke arritur rezultate mjaft të mira. Opinioni sportiv e konsideroi madje surprizën e madhe të Superiores, por periudha e fundit ka qenë vërtet dramatike për këtë skuadër, që ka humbur shumë terren në tabelën e renditjes.
Tani pritet që drejtuesit e klubit të zgjedhin trajnerin e ri, atë që do ta drejtojë ekipin shijakas në tri javët e fundit të kampionatit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.