Gazeta Si - U luajt sot në stadiumin ‘Niko Dovana’ ndeshja e fundit e këtij sezonit për Superioren. Ishte ndeshja shtesë mes Erzenit dhe Korabit, ku luhej për vendin që do të plotësonte 10-shen e nivelit elitar për sezonin e ardhshëm. Shijakasit fituan 2-1 pas kohës shtesë, duke siguruar qëndrimin dhe duke shuar ëndrrën e dibranëve.
Por nuk ishte aspak e lehtë për Erzenin, që në letër ishte favorit dhe që e nisi ndeshjen me golin e Sadikit. Korabi, që më parë kishte eliminuar në play-off Tomorin dhe Flamurtarin, barazoi me Xhuljo Tabakun që në pjesën e parë. Shifrat nuk ndryshuar deri në fundin e kohës së rregullt.
Sapo nisi shtesa, Mehmeti i kaloi shijakasit në avantazh dhe këtë herë rezultati nuk ndryshoi deri në minutën e 120-të. Erzeni mbetet pjesë e elitës. Dy skuadrat e ngjitura në Superiore janë Skënderbeu dhe Dinamo, kurse ato që kanë rënë prej saj janë Kastrioti dhe Bylisi.
Superiorja 2023-2024
Partizani
Tirana
Dinamo
Vllaznia
Teuta
Skënderbeu
Kukësi
Egnatia
Laçi
Erzeni
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.