.png)
Enti Rregullator i Ujit ka miratuar një platformë me mbi 200 tregues për të cilët shoqëritë e ujësjellës-kanalizimeve do të duhet të raportojnë çdo 6 muaj pranë tij.
Kjo sipas Entit bëhet për të monitoruar, vlerësuar dhe krahasuar performancën e shoqërive ujësjellës-kanalizime dhe sektorin në tërësi.
Të dhënat zyrtare tregojnë se mbulimi i furnizimit me ujë u përkeqësua me 0.09% gjatë vitit 2018.
Referuar kësaj situate, edhe Ministria e Infrastrukturës dhe Energjisë, vetëm brenda 6-muajsh do të ndryshonte 2 herë metodologjinë që përdoret për subvencionimin e ujësjellësve nga buxheti i shtetit.
Sipas udhëzimit të fundit, është hequr ndarja specifike për përdorimin e fondit, e cila më parë shkonte 40% për mbulimin e kostove direkte të operimit dhe 60% për nxitjen e performancës së shoqërive.
Kurse, sipas udhëzimit të ri, pavarësisht se kjo ndarje nuk ekziston më, detyrohet që subvencioni i përfituar për mbulimin e kostove direkte të operimit, në masën 50% të tij duhet të shkojë për të paguar faturat e energjisë elektrike.
Po ashtu, një pjesë e subvecionit duhet të shkojë për mbulimin e kostove për pajisjen me matësa të familjeve që u përkasin kategorive në nevojë.
Vendimi i ERRU vjen në një kohë kur shumë prej shoqërive UK performojnë negativisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
