.png)
Emiratet e Bashkuara Arabe kanë hequr dorë nga regjimi pa taksa dhe kanë vendosur një taksë për korporatat prej 9%, me përjashtime për shumë zona të lira që fuqizojnë ekonominë e saj, pasi ish-prodhuesi i naftës pa taksa kërkon të rrisë të ardhurat jo – naftë dhe njëkohësisht të mbetet një qendër tregtare rajonale.
Taksa e biznesit pason një taksë mbi vlerën e shtuar prej 5% të prezantuar në vitin 2018, duke gërryer gradualisht statusin "pa taksa" të Emirateve të Bashkuara Arabe, që e ndihmoi atë të luante një rol si një qendër tregtare dhe turistike ndërkombëtare dhe magnet për super të pasurit.
Ministria e Financave, në rregulloret e reja, tha se subjektet kualifikuese në më shumë se 30 zonat e lira të Emirateve të Bashkuara Arabe – të cilat eksportojnë dhjetëra miliarda dollarë mallra në shtetet fqinje – do t’i nënshtrohen një norme prej 0%, edhe kur kanë të bëjnë me kontinentin në disa aktivitetet strategjike si prodhimi, përpunimi i mallrave dhe shërbimet logjistike.
Sipas ministrisë regjimi është krijuar për të siguruar që sektorët strategjikë do të lulëzojnë në zonat e lira. Mund të ndodhë njëfarë niveli migrimi, por objektivi i përgjithshëm është të sigurohet që Emiratet e Bashkuara Arabe të mbeten tërheqëse.
Qeveria ka thënë se po e vendos taksën për t’u përafruar me përpjekjet ndërkombëtare për të luftuar shmangien e taksave, si dhe për të adresuar sfidat që dalin nga dixhitalizimi i ekonomisë globale. Emiratet e Bashkuara Arabe nuk vendosin taksa mbi të ardhurat personale.
Reforma tatimore po shfaqet gradualisht në të gjithë Këshillin e Bashkëpunimit të Gjirit, i cili historikisht ka financuar buxhetet nga të ardhurat e hidrokarbureve. Në vitin 2017, vendet ranë dakord të fusin TVSH-në.
Agjencia e vlerësimit S&P vlerëson se taksa mund të shtojë 1.5% – 1.8% të prodhimit të brendshëm bruto nga viti 2025 në të ardhurat vjetore të shtatë emirateve të Emirateve të Bashkuara Arabe bazuar në modelin e TVSH-së, i cili i jep 70% të arkëtimeve për emiratin grumbullues dhe pjesën tjetër për qeverinë federale.
Norma 9% e Emirateve të Bashkuara Arabe mbi të ardhurat e tatueshmeështë më e ulëta ndër vendet e Gjirit, përveç Bahreinit, i cili nuk vendos një taksë të përgjithshme korporative. Arabia Saudite e ka taksën 20%, Katari 10% dhe Kuvajti 15% për firmat me pronësi të huaj dhe Omani ka një normë prej 15%./Reuters
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
