.png)
Gazeta Si – ‘Paratë nuk sjellin lumturinë’. Edhe Kristiano Ronaldos nuk ia kanë sjellë, duke parë sjelljen frustruese dhe portretin e trishtë të tij, pavarësisht mbi 16 milionë eurove që fiton çdo muaj. Ai po kalon një moment mjaft delikat tek Al Nasr, në Arabinë Saudite.
Pas polemikave për gjestin e shëmtuar të disa ditëve më parë, CR7 ishte protagonist i një zënke me trajnerin e tij në pushim të ndeshjes gjysmëfinale të ‘King Cup’, ku skuadra e tij humbi 1-0 kundër Al Wehda.
🚨ELIMINATED! Al-Nassr, Cristiano Ronaldo's team, has just been eliminated from the Kins Cup.
— VAR Tático (@vartatico) April 24, 2023
Knocked out of Riyadh Super Cup
Knocked out of Saudi Super Cup
No longer 1st in the Saudi League
Knocked out of Saudi King Cuppic.twitter.com/XJnuoFFrIx
Një humbje e rëndë, sepse skuadra e portugezit ishte në superioritet numerik për një pjesë të mirë të pjesës së dytë. Ronaldo pati disa raste, por nuk mundi të shënonte në asnjë moment golin e barazimit, që do të vlente kualifikimin. Ai u ndal nga traversa.
CR7 doli nga fusha në pushim dukshëm i pakënaqur nga loja e skuadrës së tij. Ai po ulëriste kundër trajenrit Jeliçiç, kur të dy u kryqëzuan para se të futeshin në dhomën e zhveshjes. Një tjetër episod nervozizmi, pas atij të tregimit të organeve gjenitale ndaj tifozëve kundërshtarë që po thërrisnin emrin e Mesit.
Një krizë e thellë për portugezin, që duket se nuk ka të bëjë vetëm me rezultatet në fushë, ku skuadra e tij është eliminuar nga kupat dhe është 3 pikë pas vendit të parë. Kriza ka të bëjë edhe më atë që ndodh jashtë, ku po shtohen zërat për një krizë sentimentale me Georginën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
