.png)
Tik-Tok është trendi më i ri muzikor. Përdoruesit mund të hedhin një sërë videosh dhe të shtojnë efekte të ndryshme.
Gjithashtu, ka stile zërash të ndryshëm që njerëzit mund të imitojnë.
Aplikacioni është i dizajnuar për argëtim dhe vallëzim por si çdo gjë tjetër ka një anë të errët.
Disa video kohët e fundit i referohen "Boogaloo Bois" organizata ekstremiste më e keqe që ka parë SHBA gjatë viteve të fundit.
Është e vështirë për të përshkruar grupin në mënyrë të përmbledhur. Gjerësisht ata janë militant ekstremist, sipas tyre çlirimtar të vendit, thellësisht mosbesues ndaj qeverisë dhe të përgatitur për një luftë civile. Ata janë pothuajse gjithmonë të armatosur rëndë.
Edhe pse platforma TikTok, ashtu si platformat e tjera kanë luftuar për ta hequr grupin nga aplikacioni, ekstremistët nuk ndalen.
Në fillim të këtij muaji, grupi i antitinformimit të mediave për Amerikën "Media Matters" publikoi një raport me videot ekstremiste të grupit që ishin shfaqur kudo në aplikacion.
"Në thelb, Boogaloo është krijuar nga disa njerëz që duan të krijojnë përçarje dhe dhunë dhe padyshim është kundër rregullave të TikTok për të treguar armë në video," më thotë Angelo Carusone, presidenti i Media Matters.
TikTok veproi, duke hequr materialin dhe hashtags që grupi po përdorte.
"Nja dy javë më vonë, mendova se do të kontrolloja për të parë nëse mund të gjeja akoma video Boogaloo dhe i gjeta shumë lehtë," shtoi Carusone.
Videot shpesh përfshijnë muzikën e çlirimit të vendit, shkrepjen e një arme dhe përdorimin e shqiptimeve dhe varianteve të ndryshme të hashtagut Boogaloo.Një përdorues tregon municionin dhe pushkën e tyre nëpërmjet vizatimeve.
Megjithatë, shqetësuese është se ka një sërë grupesh të tjera që kanë krijuar influencën e tyre në këtë platformë.
Zakonisht ata krijojnë vide0 me veshjet e tyre luftarake para pasqyrës, ose pergatisin armët. Pjesa veçanërisht shqetësuese e gjithë kësaj është se janë të rinjtë disa nga njerëzit që hedhin video. Dhe natyrisht, njerëzit që e shikojnë këtë në TikTok janë gjithashtu të rinj.
Ndërkohëqë hulumtime të ndryshme tregojnë se pjesa më e madhe e përdoruesve janë në moshën 24 vjeç.
"Është një audiencë mbresëlënëse dhe një platformë e rrezikshme në duar të gabuara," thotë Chloe Colliver nga Instituti i Dialogut Strategjik, një grup i mendimeve anti-ekstremiste.
TikTok gjithashtu më tha që kishte sisteme automatike që zbulojnë përmbajtje të papërshtatshme, por duket qartë se ato sisteme nuk po merren me këtë gjë.
Burimi:BBC/ Përktheu: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
