21-vjeçari Samet Halluni, anëtar i grupit të strukturuar kriminal të Bajrajve, është ekstraduar nga Holanda drejt Shqipërisë.
Për 21-vjeçarin, Gjykata për Krimet e Rënda Tiranë ka caktuar masën “arrest me burg”për gjobëvënie të një sërë bizneseve në Shkodër, duke përfituar prej tyre para dhe prona.
Shtetasi Samet Halluni është anëtar i grupit të strukturuar kriminal “Bajri” dhe dyshohet që në bashkëpunim me anëtarë të tjerë të këtij grupi ka kanosur me anë të shtrëngimit për dhënien e pasurisë një sërë biznesesh në Shkodër, duke përfituar prej tyre para dhe prona.
Më 22 shtator, Policia e Shtetit gjatë një operacioni në lagjet Kiras e Dobraç të Shkodrës si dhe në Tiranë vu në pranga 9 anëtarë të grupit kriminal “Bajri”, ndërsa Behar Bajri dhe Samet Halluni u arrestuan në Holandë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.