Partisë Socialiste i dalin edhe në këshillat bashkiakë njerëz me probleme me ligjin e Dekriminalizimit. Prokuroria e Përgjithshme, nëpërmjet sektorit të Dekriminalizimit ka nisur procedurat dhe kërkon heqjen e mandatit të këshilltarit të Bashkisë Kamëz, Mirush Dema.
Ai është anëtar i PS-së në listën fituesve të zgjedhjeve të 30 qershorit. Sipas informacioneve mësohet se Dema është subjekt i ligjit të dekriminalizimit dhe duhet të largohet nga detyra.
Për këtë çështje Komisioni Qendror i Zgjedhjeve dhe do zhvillojë mbledhjen të mërkurën, ku do marrin vendimin për shkarkimin apo jo të Mirush Demës.
“Komisioni Qendror i Zgjedhjeve, ditën e mërkurë, më datë 12.02.2020, ora 13:00, zhvillon mbledhjen me këtë rend dite: Shqyrtimi i projekt-vendimit: Për shqyrtimin e rezultatit të verifikimit të Prokurorisë së Përgjithshme për funksionarin publik, z. Mirush Osman Dema (Troci), anëtar i këshillit të Bashkisë Kamëz, në zbatim të ligjit nr.138/2015 ”Për garantimin e integritetit të personave që zgjidhen, emërohen ose ushtrojnë funksione publike”, është ky njoftimi i KQZ-së.
Sipas formularit të Deklarimit, Dema e ka pranuar se është ndaluar për verifikim në Gjenevë në vitin 2014 dhe dëbuar në Suedi e në vendet e BE-së deri në tetor 2019, pasi u është refuzua hyrja në Malmo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.