.png)
Gazeta Si – Klubi i madh gjerman i Bajernit të Mynihut ka përfunduar në shënjestrën e zyrës doganore në Bavari, sepse nuk ka bërë pagesën minimale për disa punonjës të tij të sektorit të të rinjve.
Zëdhënësi i kasaj zyre, Thomas Meister, ka pohuar për Associated Press se klubi më i pasur dhe më i suksesshëm në Gjermnani është investiguar, sepse ka paguar më pak se kuota minimale punonjësit e tij nga nëntori 2016 deri në 2021-shin.
Kjo shkelje i ka kushtuar klubit një gjobë prej 250 mijë eurosh në total, përfshirë edhe sanksionet për vonesat e pagesave.
Gjatë hetimit zyra doganore ka zbuluar se punonjësit e kampusit të të rinjve të Bajernit paguheshin 450 euro në muaj, ndërkohë që puna që kryenin ishte shumë më e madhe. Në kohën kur ka ndodhur ngjarja, një punë prej 450 eurosh, e njohur si 'mini-job', i takonte një punonjësi që part-time dhe nuk afronte asnjë sigurim social. Nga atëherë paga minimale ka shkuar në 520 euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
