E qeshura dhe çokollata e zezë ju zgjasin jetën

Më shumë buzëqeshje në fytyrën tuaj, dhe kjo është një çelës për shëndetin, akoma më shumë po të hani edhe ndonjë çokollatë të zezë.

Studimet shkencore kanë zbuluar se qeshja është ilaçi më i mirë për shëndetin e njeriut, ndërsa hulumtime të tjera kanë zbuluar gjithashtu se edhe çokollata e zezë ka përfitime pozitive në shëndetin tonë. Çokollata e zezë, e cila është e përberë nga 70 përqind kakao, ka efekte pozitive në lidhje me stresin inflamacionin, humorin, kujtesën dhe imunitetin, kjo sipas dy studimeve të reja. Hulumtimi i paraqitur këtë javë në Takimin vjetor të Biologjisë Eksperimentale 2018 në San Diego tregon se çokollata ndikon pozitivisht edhe në shëndetin kardiovaskular.

Lee Berk, hetuesi kryesor i studimeve dhe dekani i asociuar i punëve kërkimore në Universitetin Loma Linda të Profesioneve Shëndetësore të Aleancës, tha se pjesëmarrësve iu dha një masë prej 48 gramë çokollatë të zezë në fillim të një eksperimenti duke konsumuar mjaft çokollatë të zezë çdo dy orë ndërsa ata ishin zgjuar, për disa ditë.

Testet e gjakut zbuluan aktivitetin e gjeneve të cilat ishin të ndikuar nga çokollata, që kishin si pasojë rritjen e agjentëve antiinflamatorë dhe rritjen e qelizave që luftonin kundër infeksionit, tha Berk. Hulumtime të mëtejshme nga ekipi i Berkut shqyrtuan se si aktiviteti i trurit reagoi ndaj konsumit të çokollatës së zezë.

Valët Gamma të regjistruara nga një elektroencefalogram (EEG) sugjerojnë se trajtimi mund të ndikojë pozitivisht në funksionin e trurit, siç është funksioni kognitiv dhe kreativiteti, edhe për dy orë pas ngrënies së saj.

Hulumtimi i tij ka treguar gjithashtu se qeshja dhe humori i mirë mund të ndikojë në trurin duke prodhuar valë gama në nivele të ngjashme me atë kur një person mediton. Stresi, që ndryshon fiziologjinë, shtyp sistemin imunitar, përshpejton ritmin e zemrës dhe prodhon hormone të dëmshme të stresit, si kortizoli dhe adrenalina.

Qeshja nxit emocione pozitive me rezultate të dobishme në sistemin imunitar, shkalla e zemrës dhe truri.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.