Lajme

E hëna, ditë zie në Selenicë

Pas ngjarjes së rëndë që tronditi mbarë opinionin publik, për shkak të çmendurisë së të riut 24-vjeçar, Bashkia e Selenicës mbledh me urgjencë Këshillin Bashkiak.  

Në këtë mbledhje të Këshillit Bashkiak është miratuar me votë unanime shpallja e ditës së hënë, ditë zie në të gjithë Bashkinë e Selenicës.

Gjithashtu të gjitha shpenzimet e ceremonive mortore të tetë personave të vrarë nga Ritvan Zykaj pasditen e djeshme, do të merren përsipër nga Bashkia, me një fond prej 1 milion e 200 mijë lekësh.

Ndërkohë, pritet që në orën 14:00 viktimat e të njëjtit fis do të përcillen për në banesën e fundit.  

24-vjeçari Ritvan Zykaj vazhdon të merret në pyetje nga strukturat policore përkatëse mbi rrethanat e krimit. Deri më tani nuk ka ende ndonjë motiv zyrtar për krimin makabër.


Copyright © Gazeta “Si”


Më Shumë