.png)
Gazeta Si - Pasuria e tre personave që dyshohet si e përfituar nga aktivitete kriminale, është konfiskuar këtë të enjte nga Prokuroria pranë Gjykatës së Shkallës së Parë të Lushnjës.
Bëhet fjalë për pasuritë e shtetasve Julian Sulo, Fatmir Abdurrahmani dhe Demir Licka, ku të paktën dy të parët janë emra të njohur nga forcat e rendit.
Julian Sulo, i njohur edhe si ‘Juli i Pashakos’ në vitin 2019 ai ishte nën hetim për vrasjen e Zamir Latifit, ku në shënjestër ishte nipi i Aldo Bares, Xhulio Kurti, i shpallur në kërkim nga Policia e Shtetit edhe si një nga autorët e atentatit të prokurorit Arjan Ndoja, ndërkohë që Fatmir Abdurramani rezulton i dënuar më parë në Itali për prostitucion.
Julian Sulos i janë sekuestruar një shumë monetare prej 70.060 Euro, një automjet tip “Porsche Cayanne” dhe një apartament 110 m2 në Durrës.
Demir Lickës i janë sekuestruar një lokal 180m² dhe një parcelë 1050,4m2 në Lushnje dhe automjeti i tij “Volksëagen Passat”.
Janë konfiskuar edhe pronat e Fatmir Abdurrahmanit, më saktësisht tre njësi shërbimi, dy apartamente, 130.58m2, një garazh dhe një lokal, të gjithë me vendndodhje në Lushnjë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
