.png)
Gazeta Si - Prokuroria e Durrësit ka kërkuar pezullim nga detyra në shërbim publik dhe ndalim të daljes jashtë shtetit për 9 punonjës të ish-ALUIZNI-t dhe IMT-së, pasi akuzohen për veprën penale “Shpërdorimi i detyrës kryer në bashkëpunim” dhe “Moskallëzim i krimit”.
Nga hetimet, del se në vitin 2013, punonjës të ish-Aluizni-t Durrës, kanë legalizuar disa prona në komunën Xhafzotaj, pjesë të të cilave ndodhen të ndërtuara mbi pasurinë, e cila ka një sipërfaqe 2.184 m2 dhe kategorizohet në zërin kadastral “Rrugë” me status juridik “shtet”.
Gjithashtu, punonjës të IMT-së Shijak, me mosveprimet e tyre kanë konsumuar elementë të veprës penale të “Shpërdorimi i detyrës kryer në bashkëpunim”, pasi ata kanë marrë vendime prishjeje, të cilat nuk janë ekzekutuar si dhe nuk kanë depozituar kallëzime penale në lidhje me ndërtimet e paligjshme që kanë konstatuar.
A.K. ,me detyrën e Drejtorit të bordit të ndërmarrjes kanalizmieve, i ka kthyer përgjigje Drejtorisë së ALUIZNI-t Durrës, ku informonte se objekti i qyetarit F.H., nuk cenon objektet, sistemin kullues që Bordi i Kullimit Durrës-Krujë ka në inventar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
