Një rast helmimi masiv është shënuar ditën e sotme në Durrës. Rreth 40 punonjëse të një rrobaqepësie në Fllakë të Durrësit janë ndier keq, kanë pasur këputje dhe marramendje dhe për këtë arsye i janë drejtuar Spitalit të Durrësit.
Mësohet se aktualisht 7 punonjëse po marrin ndihmë mjekësore në spitalin e Durrësit, ndërsa 2 janë dërguar në Tiranë.
Mësohet se punonjëset e helmuara janë të repartit të hekurosjes dhe dyshohet se helmimi ka ardhur nga solucioni që përdoret për hekurosjen e rrobave.
Ndërkohë, hetuesit kanë kërkuar që inspektorë të AKU-së dhe Shëndetit Publik të shkojnë në ambientet e rrobaqepësisë për të verifikuar shkaqet e helmimit. Ky nuk është rasti i parë që ndodhin ngjarje të tilla. Dy muaj më parë në një tjetër rrobaqepësi në Durrës punonjëset u helmuan dhe qëndruan disa ditë në spital, ndërkohë që shkaku i helmimit nuk u përcaktua nga autoritetet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.