.png)
Gazeta Si – Federata Shqiptare e Futbollit ka zhvilluar sot Asamblenë e Zakonshme vjetore. Kreu i këtij institucioni, Armand Duka, ka përsëritur se në Shqipëri do të zhvillohet me shumë gjasa një aktivitet i rëndësishëm europian i futbollit të moshave.
Duka këtë herë ka folur me bindje se kandidatura e Shqipërisë do të jetë fituese. Ai i referohet asaj që ka thënë edhe gjatë konkurseve për projektet e stadiumeve të reja, se në vendin tonë do të zhvillohet faza finale e Europianit për të rinj, konkretisht e Europianit të 19-vjeçarëve.
“FSHF-së e ka përgatitur dosjen e aplikimit për zhvillimin e një aktiviteti të rëndësishëm të moshave në vendin tonë. Kam shumë besim se kandidatura jonë do të ketë sukses, sepse e kemi treguar edhe me finalen e Ligës së Konferencës se jemi të aftë për të organizuar evente të mëdha”, - theksoi Duka.
Presidenti i FSHF-së është njëkohësisht edhe anëtar i Komitetit Ekzekutiv të UEFA-s, kështu që bindja e tij e ka një bazë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
