.png)
Policia italiane ka vënë në pranga mëngjesin e sotëm 6 persona të akuzuar për trafik droge nga Shqipëria drejt Italisë.
Gjatë hetimeve janë sekuestruar 260 kg marijuanë e gjysmë kg kokainë e fshehur në tubat e një gomoneje, e kapur gjatë verës së 2018-ës.
Droga ishte e parfumosur për t'i shpëtuar nuhatjes së qenve antidroga.
Gomonia me drogë u kap më 4 korrik 2018, ndërsa transportohej në autostradë nga një automjet tip Honda e që ndiqej nga një tjetër automjet tip Fiat.
Në pranga u vunë 2 italianë nga Brindisi, Fulvio Lonero e Massimo Ferrero. Sekuestrimi i telefonave celularë ka ndihmuar investiguesit italianë të zbardhin aktivitetin kriminal e të vënë në pranga bashkëpunëtorët e dy të arrestuarve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
