.png)
Policia spanjolle në provincën e Almerias, ka arrestuar nëntë shqiptarë, të dyshuar si pjesë e një grupi kriminal, të cilët kultivonin lëndë narkotike.
“LaVanguardia.com” raporton se banda po përpiqej të merrte nën kontroll fermerët e paligjshëm të marijuanës në të gjithë rajonin perëndimor të Almerias.
Policia dyshon se grupi po planifikonte të transportonte 400 kg hashash, duke përdorur një teknikë të fshehtë të fshehjes, për vendosjen e drogës brenda strukturës së zbrazët të një transformatori elektrik të tensionit të lartë që mendohej se ishte i përgatitur për transport me rrugë drejt një destinacioni në Itali.
Në një njoftim për shtyp të policisë, raportohet se anëtarët e bandës, të gjithë me kombësi shqiptare, kishin lidhje me “Sacra Corona Unita”, një organizatë famëkeqe mafioze nga rajoni italian i Puljias.
Guardia Civil zhvilloi një operacion mbikëqyrjeje që i çoi përfundimisht në një depo industriale në Vícar, ku anëtarët e bandës u kapën ndërsa po ngarkonin një pjesë të rëndë të makinerisë në një kamion, i cili rezultoi të ishte transformatori elektrik i tensionit të lartë me lëndën narkotike të fshehur brenda.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
