.png)
Gazeta Si – Dinamo ndërron trajnerin ende pa nisur sezoni. Klubi kryeqytetas ka përqafuar prej pak kohësh projektin ‘Dinamo City’ dhe pritet që të ndryshojë rrënjësisht. Ndryshime që nisin nga stoli, ku vendin e trajnerit Dritan Mehmeti, i sapolarguar nga blutë, do ta marrë ish-mesfushori i Romës dhe Interit, Luixhi Di Biaxho.
Me largimin e Mehmetit i hapet rruga zyrtarizimit të trajnerit italian, që ka drejtuar së fundi Spalin në vendin finj, Italinë U-21 dhe përkohësisht edhe skuadrën e parë të Italisë. Ky ndryshim ishte paraljëmëruar që me praninë e Di Biaxhos, i shoqëruar nga Igli Tare, në miqësoren e Korçës.
Te Dinamo fillon kështu një cikël i ri dhe shumë shpejt pritet që me këtë skuadër të bashkohen edhe disa lojtarë me kualitet, që mund të vijnë nga jashtë Shqipërisë. Di Biaxhio pritet ta marrë detyrën në Itali, ku Dinamo do të kryejë fazën përgatitore dhe do të luajë disa ndeshje miqësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
