Gazeta Si - Dramë dhe epilog i pabesueshëm në Bundesligën gjermane: Bayern Munich është kampion i Gjermanisë për të 11 vit radhazi.
Bavarezët fitojnë 2-1 në Këln falë golave të Coman ('8) dhe Musiala në '89 dhe përfitojnë nga "harakiri" i bujshëm i Dortmundit, të cilët barazojnë 2- 2 në shtëpi me Mainzin dhe përfundojnë të dytët me epërsi golash diferencë. Union Berlin i katërti dhe në Ligën e Kampionëve, Shalke ra nga kategoria.
Duhej të ishte ndeshja e festës, por ndoshta do të jetë sfida më e rëndë e historisë së Borussia Dortmund në historinë e Bundesligas.
“Grerëzat” duhej të fitonin një ndeshje të lehtë në letër ndaj Mainz në “Signal Iduna Park”, por pas 45 minutave të para humbën një penallti dhe pësuan dy gola e më pas nuk patën kohën e duhur për të rikuperuar duke barazuar 2-2.
Dy javë më parë, ishin bavarezët që lejuan ngjitjen e Dortmundit në vendin e parë, pasi u mundën në shtëpi 3-1 nga Leipzig, por Borussia bën “vetëvrasje”, duke regjistruar një nga humbjet më të rënda të historisë në Gjermani.
Ky është titulli i 11 radhazi, i 33-ti në histori për Bayern Munchen dhe i pari për Thomas Tuchel në drejtimin e skuadrës bavareze ku u ul disa muaj më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.