.png)
Gazeta Si – Për një nga fraksionet e dosjes “Revanshi”, SPAK ka kërkuar 85 vite e 8 muaj burg për 12 të pandehur, të cilë akuzohen për “sigurim kushtesh për të kryer vrasje”, “grup kriminal”, “armëmbajtje pa leje” apo edhe “kanosja e një gjyqtari”.
Mes personzheve të njohura të botës së krimit, janë Astrit Avdyli dhe Emiljano Shullazi, të cilët ashtu si të tjerët, kanë përfituar nga gjykimi i shkurtuar me uljen e 1/3 së dënimit.
Kështu, Prokuroria e Posaçme kërkoi për Astrit Avdylin 15 vite burg, me gjykim të shkurtuar 10 vite. Ndërsa për Emiljano Shullazin 15 vite burg, me gjykim të shkurtuar 10 vite.
Të pandehurit e tjerë
Naim Stafuka – 9 vite zbet në 6 vite burg
Blerim Abazi – 10 vite zbret në 6.8 vite burg
Besian Xhixha – 10 vite zbret në 6.8 vite burg
Enver Diva – 10 vite zbret në 6.8 vite burg
Robert Laçi – 10 vite zbret në 6.8 vite burg
Gjergj Cukali – 10.6 vite zbret në 7 vite burg
Viktor Imeraj – 10 vite zbret në 6.8
Satilno Basho – 10 vite zbret në 6.8
Miri Bruli – 9 vite zbret në 6 vite burg
Xhelal Rraja – 9 vite burg zbret në 6 vite
Pas pretencës, pritet të dëgjohen edhe konkluzionet e palës mbrojtëse, para se GJKKO të shpallë verdiktin përfundimtar.
Dosja “Revanshi” konsiderohet një nga hetimet më të rëndësishme të SPAK, që përfshin disa episode dhe persona të dyshuar për përfshirje në aktivitete të rënda kriminale.
Më herët, Prokuroria e Posaçme ka njoftuar se ka arritur të dokumentojë nëpërmjet komunikimeve të zbardhura nga aplikacioni Sky ECC, përfshirjen e tyre në 6 plane vrasjesh.
Si përpjekja për të vrarë vëllezërit Durim e Valter Bami, Preng Gjinin, planin e thurur për vrasjen e Ervis Martinajt dhe Erigers Mihasit, Elvis Gaçajt e Altin Gegës apo edhe të ish-deputetit socialist Arben Ndoka.
Nga hetimet, u zbuluan edhe përplasjet e disa grupeve kriminale në vend dhe tentativat për eleminimet e kundërshtarëve gjatë viteve 2020-2021. Ato vepronin në disa qytete si Lezha, Durrësi, Kruja, Tirana, Vlora dhe Burreli.
Po në kuadër të këtyre hetimeve u dokumentua kanosja e bashkëshortit të një gjyqtareje në Gjykatën e Posaçme të Apelit, armëmabjtje pa leje të një prej personave të konsideruar pjesë e një grupi kriminal si dhe organizimi për të futur ilegalisht në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje