.png)
Ylli i muzikës pop, Elton John u ka thënë fansave të tij se do të ishin gjithmonë në “mendjen, zemrën dhe shpirtin” e tij, ndërsa ka mbyllur shfaqjen e fundit të turneut të tij të lamtumirës në Suedi në mënyrë spektakolare.
76-vjeçari ka udhëtuar rreth globit duke performuar shfaqjen e tij “Farewell Yellow Brick Road” që nga viti 2018 dhe nata e tij e dytë në ”Tele2 Arena” në Stokholm i dha fund koncertit të tij të 330-të.
“I gjithë shpirti im ka qenë të luaja për ju, dhe ju keni qenë absolutisht madhështor”, i tha ai audiencës në Tele2 Arena të Suedisë, teksa përmbylli karrierën e tij 50-vjeçare në skenën botërore me afro 4600 performanca në mbarë botën.
Elton John i bëri një nderim grupit dhe ekipit të tij aktual, disa prej të cilëve kanë qenë në turne me të për shumë vite.
“Ata janë vërtet të pabesueshëm dhe ata janë më të mirët, po ju them, më të mirët”, tha ai.
Ai siguroi se ndalesa e tij e fundit do të ishte e paharrueshme pasi përreth dy orë e gjysmë ai performoi 23 nga këngët e tij hit dhe veshi katër kostume verbuese.
Në stilin flamboyant klasik, këngëtari i “The Rocket Man” veshi një xhaketë kostum të zi me rruaza të kuqe, blu dhe argjendi në xhaketë së bashku me një palë syze dielli të tij të kuqe, ndërsa doli në skenë për të hapur me “Bennie And The Jets”.
Ai interpretoi edhe “Border Song”, që ia kushtoi së ndjerës Aretha Franklin.
Ai e vazhdoi atë me një performancë të gjallë të këngës së tij hit “Tiny Dancer”, “Have Mercy On The Criminal” dhe klasike të tij “Rocket Man” – kënga që i dha emrin e saj biografisë së tij.
Një interpretim emocional i “Candle In The Wind” ishte gjithashtu në listën e këngëve, të cilën ai e performoi në funeralin e Dianës, Princeshës së Uellsit në 1997 – duke përshtatur tekstin për të pasqyruar jetën e saj.
Gjatë intervalit të koncertit të Stokholmit, u krijua një skenë ogurzezë stuhie, ndërsa makinat shpërthyen në tym, dritat u ndezën dhe efektet zanore të bubullimave jehonë nëpër arenë shënuan fillimin e këngës së tij dramatike “Funeral For A Friend”.
Më pas ai u kthye me një xhaketë të bardhë, me një palë syze dielli me shkëlqim blu, ndërsa pianoja e tij rrëshqiste nëpër skenë bashkë me të.
Ai i tha turmës në Stokholm se pasi të mbaronte 330 shfaqjet e tij të këtij turneu, do të largohej për një kohë.
Këngëtari gjithashtu zbuloi se kishte njerëz që kishin fluturuar nga e gjithë bota nga vende të tilla si Australia dhe SHBA për t’i thënë lamtumirë, duke përfshirë anëtarë të familjes nga ana e nënës dhe babait të tij.
Turneu i tij, Farewell Yellow Brick Road që filloi në Amerikën e Veriut në vitin 2018, është një nga turnetë me fitimin më të lartë ndonjëherë. Revista Billboard raporton se është e para që arrin shitjet e biletave prej 900 milionë Dollarë. Koncerti i fundit, i cili zgjati për më shumë se dy orë u mbyll me këngën “Don’t Let The Sun Go Down On Me” kushtuar bashkëpunëtorëve të tij dhe ekipit që e ka ndjekur Elton John në të gjitha koncertet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
