Pas një anomalie atmosferike që preku Europën Juglindore dhe vendin tonë me temperatura të larta deri në 23 gradë celcius, pritet që kjo situatë meteorologjike do të ndryshojë.
Ditën e martë i gjithë vendi do të jetë me reshje shiu dhe stuhi përgjatë zonës perëndimore. Edhe nesër temperaturat do të mbeten të larta. Ditën e mërkurë, një impuls i ajrit të ftohtë polar do të rikthejë dimrin në Europë dhe vendin tonë. Priten reshje bore intensive në zonat malore, por dhe në lartësitë e ulëta deri në 400-600 m në nivelin e detit. Temperaturat do të fillojnë të zbresin menjëherë.
Por, ditët më të acarta të javës do të jenë e enjtja dhe e premtja ku termometri do të zbresë deri në -15 gradë në veri, -5 gradë në zonën e ulët dhe -2 gradë në bregdet në mëngjes, por dhe mesdita do të jetë e ftohtë ku temperaturat nuk do t’i kalojnë vlerat deri në 8-9 gradë celcius!
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.