Gazeta si – Përveç humbjes që pësoi nga Tirana fundjavën e kaluar, Vllaznia ka marë edhe një gjobë nga Komisioni i Disiplinës dhe Etikës në FSHF. Gjoba e vendosur për shkak të sjelljes së gabuar të tifozëve është 50 mijë lekë.
Për të njëjtën arsye dhe me të njëjtën shifër është gjobitur edhe Tirana. Dy skuadrat u ndeshën në stadiumin “Loro Boriçi”, ku kryeqytetasit fituan 0-1.
Një dënim të rëndë Komisioni i Disiplinës ka dhënë për futbollistin e Kastriotit, Eneid Kodra, të cilin e ka pezulluar me 5 ndeshje për sulm ndaj kundërshtarit.
Vendimet kryesore të Disiplinës dhe Etikës
Vllaznia, për sjellje të gabuar të spektatorëve, duke hedhur sende në terrenin sportiv, dënohet me gjobë në masën 50.000 lekë.
Tirana, për sjellje të gabuar të spektatorëve, duke hedhur sende në terrenin sportiv, dënohet me gjobë në masën 50.000 lekë.
Lojtari i Kastriotit, Eneid Kodra, për sulm ndaj kundërshtarit, dënohet me 5 ndeshje pezullim nga aktiviteti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.