Dior doli në pasarelë me një shumëllojshmëri veshjesh për meshkuj në Javën e Modës.
Ngjarjet e industrisë së modës kanë ndryshuar shumë për shkak të rritjes së fundit të rasteve të koronavirusit, gjë që pengoi shumë vizitorë ndërkombëtarë të merrnin pjesë, por shfaqja e Dior tërhoqi turma shikuesish në Place de la Concorde për të parë koleksionin e meshkujve, mes të cilëve edhe Naomi Campbell.
Modelët kaluan në pasarelë duke shfaqur dizajnet e hartuara nga drejtori artistik i meshkujve Kim Jones.
Jones ia kushtoi shfaqjen gazetarit të modës Andre Leon Talley, i cili ndërroi jetë të martën.
“Doja të shikoja arkivin, pastërtinë e fillimeve të shtëpisë, impulsin e saj original”, tha Jones.
Duke u mbështetur në siluetat nga koleksionet e hershme të markës 75-vjeçare, stilisti ndryshoi xhaketën e famshme femërore të shtëpisë duke ofruar një version për meshkujt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.