Kryeministri i vendit, Edi Rama, ka reaguar në “Twitter” në lidhje me procesin e hapjes së negociatave mes Shqipërisë dhe Bashkimit Europian. Me një mesazh të shkurtër, shefi i ekzekutivit thotë se nëse shkrimtarët si Franz Kafka apo Ismail Kadareja do të kishin pasur mundësinë të ndiqnin nga brenda procesin e vendimmarrjes së BE-së, për të thënë “po” apo “jo” për Shqipërinë dhe Maqedoninë e Veriut, do kishin mësuar se realiteti në Shqipëri dhe vendin fqinj do konkuronte edhe fantazinë e tyre.
Ky mesazh duket si një thirrje tjetër e Ramës duke i kujtuar BE se është koha për t’i thënë “Po” përpjekjeve të Shqipërisë.
Ai ndër të tjera shkruan se: “Nëse Franz Kafka apo Ismail Kadareja do të kishin pasur mundësinë të ndiqnin nga brenda këtë procesin e vendimmarrjes së BE-së, për të thënë PO a JO për Shqipërinë dhe Maqedoninë e Veriut, do të kishin parë se si realiteti e konkuron edhe fantazinë e tyre të pakonkurueshme…”-pohon Edi Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.