.png)
Digjet Muzeu Etnografik në Krumë të Hasit.
Muzeu i cili ruante veshje dhe sende të rralla të zonës, është një humbje e madhe në kulturën e vendit.
Arsyet e zjarrit nuk dihen ende, por ndërhyrja e zjarrfikësve nuk ka mjaftuar për ta shpëtuar.
Ndërtesa është shembur në çatinë e saj dhe asgjë s’ka mbetur më brenda.
Ndërkohë, drejtuesi i Institutit Antropologjik Tiranë, Nebi Bardhoshi, thotë për këtë humbje kulturore se është pak të thuhet se është lajm i keq.
“Pak është të thuhet se është lajm i keq. Duke pasur parasysh situatën kur ndodh një gjë e tillë, shumëkush s'ia ka ngenë të merret me këtë çështje”, shkruan Bardhoshi.
Ndër të tjera, ai thotë se “veç faktit që kërkohet zbardhja e çështjes, akoma më shumë kërkohet që ky muze të rindërtohet ose gjendet një hapësirë tjetër e denjë. Po ashtu kërkohet të veprohet sa më shpejt për të gjithë muzetë etnografikë të mos lihen në harresë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
