Një ngjarje e rëndë ka ndodhur mëngjesin e kësaj të mërkure në Pogradec.
Një bombol gazi ka shpërthyer në një banesë, duke shkaktuar probleme të konsiderueshme në të.
Si pasojë e rrjedhjes së gazit, në një shtëpi dykatëshe në lagjen numër 1 të qytetit të Pogradecit, ka shpërthyer në flakë kati i parë i një banesës si dhe ka marrë dëmtime dhe djegie trupore pronari i shtëpisë, 64-vjeçari me inicialet Y. L.
Ai është dërguar në spital për të marrë ndihmë mjekësore. Ndërkohë llogariten edhe dëme të shumta në katin e parë të godinës.
Po ashtu, në vendngjarje kanë shkuar edhe specialistë, të cilët kanë çmontuar bombolën e gazit, e cila shkaktoi shpërthimin në banesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.