.png)
Diva e skenave botërore Jennifer Lopez vazhdon të na mahnisë me format e sajt trupore.
Pavarësisht se këngëtarja mbart 48 vite në supe, ajo është lakmuar gjithmonë për fizikun e saj mjaft në formë.
Sidoqoftë ka pas pamjes së mrekullueshme të këngëtares së famshme ka disa sekrete, të cilat I ka zbuluar instruktorja e personazheve të njohur, Tracy Anderson, e cila qëndron gjithashtu edhe pas fizikut të mahnitshëm të J Lo-së.
Ajo ka folur për dietën e klientes së saj dhe regjimit të fitnesit dhe çuditërisht dieta nuk duket kaq e vështirë për t’u ndjekur.
Trajnerja e cila zbulon se “muskujt e barkut bëhen në kuzhinë”, thotë se Jennifer Lopez konsumon një dietë të pasur në perime dhe të paktë me ushqime të procesuara. “Çdo gjë është organike dhe e mirëmenduar në një balancim të proteinave të cilësisë së lartë dhe ushqimeve me shumë elementë nutritivë”, zbulon Anderson. “Çdo gjë është e freskët, asgjë nuk kalon në procese përpunimi”.
Ja se çfarë ha Jennifer Lopez në një ditë të zakonshme:
Mëngjesi: Zakonisht ajo e nis ditën me një lëng proteinash dhe kafe pa kafeinë.
Drekë: Superstari ha një sallatë të “rëndë” me perime me proteina nga mish pa yndyrna të këqija, si salmoni.
Darkë: Ajo në shumicën e rasteve mbyll ditën me drithëra, si kuinoa dhe proteina nga mish të varfër në yndyrë.
Gjithsesi Jennifer Lopez ia detyron fizikun e saj jo vetëm ushqyerjes së shëndetshme.
Superstari nuk fle më pak se 7 orë gjumë në natë dhe mbështetet në stërvitje të rreptë 3-4 herë në javë. Anderson gjithashtu insiston se, Lopez nuk e privon veten dhe nga përjashtime të rastit, por vetëm 2 gjëra janë rreptësisht të ndaluara: kafeja dhe alkooli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
