Gazeta Si - Durim Toska, ish-drejtori i burgut të Fushë-Krujës është lënë me masën e sigurisë "arrest në burg", pasi akuzohet se dhunoi pak ditë më parë bashkëshorten e tij.
Po ashtu gjatë kontrollit policor të ushtruar në banesën e tij u gjet edhe armë zjarri me municion të cilën 52 vjeçari e posedonte pa leje.
Në seancën e përcaktimit të masës së sigurisë, Gjykata e Durrësit la në fuqi kërkesën e prokurorisë për "arrest me burg" për 53-vjecarin deri në përfundim të hetimeve.
Dy avokatët mbrojtës të Toskës kërkuan një masë sigurie më të lehtë me argumentin se 53-vjeçari nuk e kishte dhunuar bashkëshorten, por kishin patur një debat normal familjar. Mësohet se edhe bashkëshortja ka tërhequr akuzën për dhunë në familje.
Sa i takon armës së gjetur nga policia gjatë kontrollit të banesës, Toska ka mohuar të ketë dijeni për ekzistencën e saj. Durim Toska u arrestua tre ditë më parë nga policia e Pogradecit, pas denoncimit të bashkëshortes për dhunë në familje. Gjatë kontrollit të banesës policia gjeti dhe një pistoletë model cek të cilën e mbante pa leje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.