Gazeta Si - Gjiri i Vlorës është përfshirë mëngjesin e të premtes nga moti i keq, i shoqëruar me erëra të forta.
Si pasojë e erës së fortë, ka pasur një numër të madh pishash të rrëzuara në zonën e Pyllit të Sodës.
Disa prej tyre kanë rënë edhe në rrugën kryesore, duke u pastruar më pas nga forcat zjarrfikëse.
Gjithashtu raportohet probleme me energjinë elektrike në fshatrat Dukat, Orikum, Tragjas, Radhimë etj.
Një ditë më parë, u pezullua lundrimi për mjetet e vogla të peshkimit deri në datën 23 prill ora 10:00.
Bashkia e Vlorës paralajmëroi qytetarët, duke u kërkuar të bëjnë kujdes dhe të shmangin lëvizjet e panevojshme me automjete në akset problematike si dhe parkimin e automjeteve.
Nga ana tjetër, tragetet e linjës Vlorë-Brindisi vijojnë në normalitet punën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.