.png)
Gazeta Si – Humbje e madhe për Napolin para sfidës me Milanin. Bomberi Viktor Osimhen është dëmtuar dhe do të mungojë në këtë ndeshje të rëndësishme, që luhet të dielën në mbrëmje. Lajmi i dëmtimit të lojtarit është konfirmuar nga vetë klubi ‘axurr’.
Sulmuesi u rikthye nga impenjimet me kombëtaren e Nigerisë dhe kishte një shqetësim në këmbën e majtë. Për momentin nuk është shumë e qartë shkalla e dëmtimit dhe koha e rikuperimit, por me siguri Napoli nuk do ta ketë të gatshëm për kryendeshjen e kësaj jave me Milanin.
Osimhen është në dyshim edhe për ndeshjen e parë të çerkfinale të Championsit po ndaj Milanit, që zhvillohet më 12 prill. Mungesa e tij do të thotë shumë për trajnerin Spaleti dhe skuadrën. Nigeriani e ka udhëhequr Napolin me golat e tij drejt titullit kampion në Serinë A.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
