.png)
Kreu i Partisë Demokratike, Lulzim Basha, ka përshëndetur deklaratat e ministrit të Brendshëm italian, Matteo Salvini ndaj mafias, ndërsa i uron mirëseardhjen erës së ndryshimit edhe në anën tjetër të Adriatikut, duke iu referuar Shqipërisë.
Basha u shpreh se presionin duhet ta ndiejnë edhe mafia shqiptare dhe narkoshteti.
“Mirësevjen era e ndryshimit. Së shpejti edhe në këtë anë të Adriatikut. Mafia shqiptare dhe narkoshteti i Ramës duhet të ndiejnë presionin e Italisë, në vend të gënjeshtrave, marrëveshjeve të fshehta dhe mbulimit të realitetit të deridjeshëm”, shkruan Basha në dy gjuhë në “Twitter” duke shpërndarë edhe deklaratën e ministrit italian.
“Për mafiozët argëtimi mbaroi! Tani duhet të demonstrojmë se shteti është më i fortë. Do të më pëlqente të kujtohesha në fund të udhëtimit, si dikush që luftoi më shumë se të tjerët Kamorrën, Ndraghetën dhe mafien, duke u angazhuar se do të futemi rajon më rajon”, ka shkruar në “Twitter” Salvini.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
