Nga Gazeta 'Si'-Shefi i diplomacisë së BE-së, Josep Borrell ka mirëpritur hapat e ndërmarra nga qeveria e Kosovës për shtensionimin e situatës në veri të vendit.
Nëpërmjet një postimi në Twitter, Borrell shprehet se pret që Kosova të ndërmarrë hapa të mëtejshëm pozitivë në këtë drejtim.
“E mirëpres përkushtimin e Kosovës ndaj marrëveshjes që arritëm në hapat e parë për deskalim. Presim që Kosova të ndërmarrë hapa të mëtejshëm pozitivë dhe të vazhdojë të përparojë në këtë drejtim. Ne do të vazhdojmë të punojmë në dialogun e lehtësuar nga BE-ja me palët”, shkruan ai.
I welcome Kosovo's commitment to the arrangement we reached on first steps for deescalation. We expect #Kosovo to take further positive steps and continue to advance in this direction.
— Josep Borrell Fontelles (@JosepBorrellF) July 12, 2023
We will carry on working in the EU-facilitated dialogue with the parties with @miroslavlajcak
Qeveria e Kosovës njoftoi mbrëmjen e së martës(11 korrik) se ka rënë dakord që të zvogëlojë praninë policore në Veri dhe të mbështesë mbajtjen e zgjedhjeve të reja në katër komunat veriore, si pjesë e veprimeve për të shtensionuar situatën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.