.png)
Regjistrohet rasti i parë me koronavirus nga stafi shëndetësor në Kosovë.
Siç shkruajnë mediat kosovare, lajmin e ka konfimuar Klinika Infektive në Qendrën Klinike Universitare të Kosovës, duke thënë se një ditë më parë ka regjistruar personin e parë të infektuar nga stafi shëndetësor me koronavirus.
“Rasti i koleges tonë nuk do të na dekurajojë dhe demotivojë që së bashku me kolegët e tjerë të ofrojmë ndihmën mjekësore për pacientët tonë. Këtë do ta bëjmë në çfarëdo kushtesh dhe rrethanash”, thuhet në njoftimin e Klinikës Infektive.
Aktualisht në këtë Klinikë është thënë se janë duke u trajtuar 34 pacientë.
Në Kosovë deri më tani është raportuar për 86 persona të infektuar me Covid-19. Ndërsa një pacient ka ndërruar jetë nga virusi vdekjeprurës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
