Ne rrjet

Covid-19, Mali i Zi kufizon lëvizjen me Shqipërinë

Duke filluar nga e Hëna nga Muriqani kalojnë vetëm personat me leje qendrimi, me leje pune, ata të cilët kalojnë tranzit në territorin malazez dhe ata që udhëtojnë drejt Aeroportit të Podgoricës (të cilët duhet të jenë të pajisur me prenotimet e biletave).

Ndërkohë Drejtoria e Kufirit ka njoftuar se nuk ka ndryshime, për sa i takon lëvizjes së mjeteve të transportit dhe të regjimit tregtar ndërsa thekson se të njëjtat rregulla vlejnë për të gjitha pikat e kalimit kufitar Shqipëri –Mali i Zi.

Autoritetet e Policisë Malazeze, në bazë të një njoftimi zyrtar që i kanë dërguar Pikës së Kalimit Kufitar Bozhaj/Hani i Hotit, sqarojnë se nga Muriqani në drejtim të Malit të Zi, lejohet të kalojnë edhe ata që kanë prenotuar hotelet për fundjavën në Mal të Zi.

Nga ana tjetër në Pikën Bashkim Vermosh, lejohen vetëm shtetasit shqiptarë të cilët duan të dalin nga Mali i Zi, në drejtim të Shqipërisë.


Copyright © Gazeta “Si”



Më Shumë