Që prej fillimit të javës, të dhënat e sotme (e premte) të Ministrisë së Shëndetësisë rreth situatës së COVID-19 kanë nxjerrë në pah disa elemente mbi ecurinë e përhapjes së virusit dhe masat që janë marrë.
Së pari; Ministria e Shëndetësisë ka rritur ndjeshëm numrin e testimeve krahasuar me ditët e mëparshme duke u reflektuar edhe në rritjen e numrit të të infektuarve.
Gjatë 24 orëve të fundit janë kryer 586 testime për të dyshuar me Covid 19, ku 135 persona janë konfirmuar të prekur.
Numrin më të madh të rasteve pozitive vijon të kryesojë Tirana kur vetëm 24 orët e fundit janë shënuar 113 raste.
Së dyti; Që prej fillim javës kemi vetëm një të vdekur (një 58 vjecar nga Tirana).
Së treti; Për herë të parë pas kaq ditësh është rritur ndjeshëm numri të shëruarve, 72 qytetarë. Vetëm një ditë më parë kishim 32 të shëruar
Së katërti; Është ulur numri i të intubuarve duke ndjekur një kurbë sharre 4 fillim jave, pastaj 6 për dy ditë rresht, më pas sërish 4 dhe 24 orët e fundit vetëm 3 të intubuar.
Ka një numër thuajse konstant të pacientëve në terapi intensive, 20 të tillë.
Ka gjithashtu një rritje të lehtë të numrit të pacientëve të shtruar.
Aktualisht në spitalin Infektiv dhe "Shefqet Ndroqi" po trajtohen 122 pacientë të konfirmuar pozitivë me Covid 19.
Ndryshe nga një ditë më parë, kur Ministria e Shëndetësisë ishte evazive me numrin e mjekëve të familjes që ndjekin personat aktiv me Covid 19, (mbi 1000) sot Dr, Marjeta Dervishi citoi se janë 1600 mjekë familjeje në të gjithë vendin që ndjekin personat e infektuar nga banesat e tyre.
Ministria e Shëndetësisë dhe Mbrojtjes Sociale ka rikujtuar qytetarët se: Vendosja e maskës në ambientet e mbyllura është e detyrueshme, maska prej tekstili duhet të mbulojë plotësisht hundën dhe gojën gjatë gjithë kohës dhe se të gjithë qytetarët e prekur nga Covid19 duhet të respektojnë vetëizolimin, në mënyrë që të mos bëhen burim për përhapjen e infeksionit.
COVID-19 – Statistika (7 Gusht 2020)
Testime totale 44881
Raste pozitive 6151
Raste të shëruara 3227
Raste Aktive 2735
Humbje jete 189 (Qarku Tiranë 91, Shkodër 31, Durrës 28, Fier 10, Elbasan 7, Lezhë 5, Kukës 5, Korçë 5, Vlorë 4, Dibër 2, Berat 1)
Shpërndarja gjeografike e rasteve aktive sipas qarqeve:
Tiranë 1558
Durrës 348
Shkodër 231
Vlorë 98
Fier 90
Kukës 94
Korçë 85
Lezhë 80
Elbasan 45
Berat 44
Dibër 33
Gjirokastër 29
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.