Gazeta Si – Më në fund ia ka dalë Pep Guardiola të fitojë Championsin me Mançester Sitin. Trajneri spanjoll arrin për herë të tretë t’i gëzohet trofeut më të rëndësishëm europian për klubet, pas atyre 2 që ka fituar më parë me Barcelonën.
Guardiola barazon kështu francezin Zinedin Zidan në renditjen e trajnerëve me më shumë Champions, nga 3 secili, por që të dy qëndrojnë pas Karlo Ançelotit, i cili e ka fituar 4 herë kupën me veshë të mëdhenj.
Mançester Siti ndërkohë ka arritur të kompletojë tripletën këtë sezon: titullin kampion në Premier Ligë, FA Cup dhe tashmë edhe Ligën e Kampionëve. Një sezon për t’u vendosur në kornizë nga Siti, edhe pse në finalen e sotme nuk pati shkëlqimin e zakonshëm.
Në historinë e futbollit janë 8 skuadrat që kanë arritur të bëjnë tripletë të paktën një herë. Italia në këtë renditje speciale përfaqësohet vetëm me Interin e Mourinjos.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.