Gazeta Si – Championsi rikthehet sot me ndeshjet e para çerekfinale. Dhe menjëherë me një ndeshje të madhe, siç është ajo mes Mançester Sitit dhe Bajernit të Mynihut, e konsideruar si një finale e parakohshme.
Guardiola është në kërkim të trofeut prestigjioz me ‘qytetarët’ dhe këtë sezon një mundësi shumë të mira për t’ia arritur qëllimit. Por Bajerni, ish-skuadra e tij, është ekspert i këtij kompeticioni, kështu që nuk është i lehtë kualifikimi. Anglezët nuk kanë të gatshëm Foden, ndërsa te Bajerni i Tomas Tuhel mungojnë Nojer, Lukas Hernandez dhe Çoupo-Moting.
Në fushë zbret sot në mbrëmje edhe Interi. Italianët kërkojnë gjysmëfinalen dhe në letër i kanë shanset, edhe pse nuk po kalojnë një moment të mirë në kampionat. Trajneri Simone Inzagi ka një mision të dyfishtë: të arrijë në gjysmëfinale dhe të shtojë shanset për të ardhmen e tij tek Interi.
Benfika është një kundërshtar shumë i fortë dhe drejtohet nga një trajner ambicioz si Shmidt. Portugezët nuk kanë në dispozicion kampionin e botës Nikolas Otamendi, kurse tek Interi mungojnë Shkriniar dhe Çalhanoglu. Kristjan Asllani do të jetë në stol, pasi Inzagi ka planifikuar titullarë Barelën, Mkhitarian dhe Brozoviç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.