Çfarë ndodh me të gjitha makinat që nuk shiten kurrë

A nuk do të ishte mirë sikur shitësit t'i jepnin makinat e pashitura falas?

Të gjithë mund të kemi pyetur veten se çfarë ndodh me makinat që nuk shiten kurrë. Ku shkojnë të gjitha kur vjen koha për t'u lënë vend modeleve më të reja? Diçka është e sigurt, shitësit nuk i japin makinat falas. Gjërat janë pak më të ndërlikuara se kaq.

Përfaqësitë e makinave janë ekskluzivitet. Kjo do të thotë se ata blejnë makina të reja nga prodhuesi dhe i shesin me një çmim më të lartë për të pasur një fitim. Prandaj, pasi shitësi i blen ato makina, ato u përkasin atyre. Ata nuk mund t'i dërgojnë ato të pa shitura tek prodhuesi në fund të vitit. Për të fituar para, ata duhet t'i bëjnë klientët t'i blejnë ato.

Ka disa opsione për shitësin kur makinat e tyre nuk shiten. Ata mund t'i dërgojnë makinat e pa shitura në një treg tjetër ku modeli specifik mund të jetë në kërkesë.

“Për shembull, një tregtar i Toyota-s në një qytet ku nuk blihet më Toyota mund ta shkëmbejë atë me një tregtar tjetër të një qyteti ku ka kërkesa për Toyota”, tha George Iny, president i Shoqatës për Mbrojtjen e Automobilave.

Makinat mund të shiten gjithashtu në ankand, por kjo nuk është e leverdishme për shitësin pasi ai humbet një pjesë të shitjes në një shtëpi ankandi, që do të thotë se tregtari do të humbiste shumë para pasi makina tashmë do të ishte me zbritje. Një opsion tjetër është që makinat mund të përdoren si makinë huazuese kur njerëzit sjellin të tyren për shërbim.

Opsioni përfundimtar është vendosja e një çmimi të makinave për t'u shitur. Diçka që duhet mbajtur parasysh kur blini një makinë është se prodhuesit e makinave dhe shitësit duan të heqin qafe makinat e vjetra në mënyrë që ato të mos konkurrojnë me modelet më të reja.

Iny thotë se kushdo që dëshiron të blejë një makinë që kushton më pak se zakonisht edhe pse është model i vjetër, mund të kërkojë në vjeshtë.

Atëherë është sezoni ku shitësit duan të “heqin qafe” makinat e vjetra duke i shitur më lirë për të liruar vendin për modelet e reja të makinave.

Të gjitha modelet e vjetra të makinave që duket se mbesin pa shitur, në fund të fundit, në një mënyrë a një tjetër, shiten.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.