.png)
Gazeta Si – Imagjinoni Lionel Mesin gjysh, pas 50 vitesh, ende i emocionuar teksa u tregon albumin e fotografive nipërve të tij. Ndoshta më i vogli do të shohë gjysh Leon duke ngritur lart Kupën e Botës në Katar 2022 me Argjentinën.
Dhe ai do ta pyesë: "Gjysh, pse je me veshje gjumi në festën e Botërorit?" Lionel Mesi me shumë mundësi do të qeshë dhe me mendje do të kthehet te 18 dhjetori i 2022-shit. Po pse emiri Al Thani i vendosi në trup atë veshje pak a shumë si një mantel?
Në gjuhën arabe quhet "bisht", një veshje tradicionale për meshkujt në vendet e Gjirit Persik. Është pjesë e ‘abaya’, element i veshjes që karakterizon njerëzit e spikatur në Katarin e pasur. Në momentin e dhënies së trofeut për Argjentinën, emiri Al Thani iu afrua Mesit dhe i kërkoi të vishte ‘bisht’-in para syve të Infantinos.
Ky moment nuk kaloi pa u vënë re nga spektatorët. A është tentativa e radhës e emirëve për të "katarizuar" futbollin? Apo ai donte në mënyrë simbolike të tregonte të kundërtën, që topi i përket çdo cepi të globit, duke i veshur Mesit një veshje tradicionale arabe?
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
