.png)
Është mbajtur sot Gjykatën e Apelit të Tiranës, seanca gjyqësore ndaj Ervin Salianjit, Albert Veliut, Fredi Alizotit dhe Jetmir Olldashit, për çështjen “Babale”.
Në seancën e zhvilluar sot, prezent nga palët ishte vetëm deputeti Salianji me avokatin e tij, ndërsa gjyqi u ndoq edhe nga 18 deputetë të Rithemelit.
Ndërkohë, Geron Xhafaj, vllai i ish ministrit Xhafaj, u përfaqësua nga avokati i tij.
Në sallën e gjyqit, gjyqtarja Elona Toro u shpreh se më herët deputeti demokrat Ervin Salianji kërkoi përjashtimin e gjyqtares Edlira Petri ndaj çështja u hodh në short për të plotësuar trupën gjykuese dhe trupa u formua me gjyqtarët Iliba Bezatin, Gent Shala dhe Elona Toro.
Pas disa minutash, gjykata vendosi shtyrjen e seancës së radhës për në datën 24 prill, ora dhjetë.
Jashtë gjykatës Salianji u shpreh se ai ka prova shkencore “sesi është 100% i vërtetë denoncimi dhe sesi institucionet kanë shmangur hetimet për Geron Xhafajn dhe Fatmir Xhafajn dhe që nuk iu janë sekuestruar pasuritë.
“Besoj se detajet do të jepen më datë 24 prill. Unë nuk sulmoj personalisht asnjë gjyqtar. Gjyqtari Artan Gjermeni është në përgjime të Prokurorisë italiane, që ishte shërbëtor i fëlliqur i një anëtari të një bande në Lushnjë”, tha Salianji.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
