.png)
Gati katër në dhjetë persona në Francë, në SHBA dhe Gjermani thonë se nuk do të vaksinohen kundër Covid-19. Një studimi tha zbuluar se kjo përqindje ishte dukshëm më e ulët në Itali (12%), Britania e Madhe (14%) dhe Holandë (17%).
Vetëm 11% e qytetarëve amerikanë dhe 13% e qytetarëve francezë u besojnë qeverive të tyre që të jenë një burim i besueshëm informacioni mbi vaksinat, gjeti sondazhi të realizuar nga “Kantar Public”.
Media sociale nuk u panë gjerësisht si një burim i besueshëm informacioni mbi vaksinat, me vetëm 5% të të anketuarve në Gjermani dhe 4% në Itali dhe Holandë që thanë se u besonin pretendimeve mbi vaksinat në rrjetet sociale.
Ndërsa shkenca moderne ofron një kuptim më të mirë se si sëmundjet infektojnë njerëzit dhe si t’i kontrollojnë ato, teoritë e konspiracionit COVID-19 po përhapen me shpejtësi përmes mediave sociale, mediave jo të besueshme dhe nga udhëheqësit politikë. Shumë tani besojnë në teoritë e konspiracionit në lidhje me pandeminë dhe, në mënyrë alarmante, të njëjtët njerëz ka më pak të ngjarë të marrin hapa për të parandaluar përhapjen e virusit.
Studime të tjera sugjerojnë që thjesht korrigjimi i informacionit të rremë zakonisht nuk funksionon dhe madje mund të bëjë që disa njerëz të besojnë komplotet edhe më thellë. “Teoritë e konspiracionit janë të vështira për t’u zhvendosur sepse ato japin shpjegime për ngjarje që nuk janë kuptuar plotësisht, të tilla si pandemia e tanishme, luajnë me mosbesimin e njerëzve ndaj qeverisë dhe aktorëve të tjerë të fuqishëm dhe përfshijnë akuza që nuk mund të kontrollohen lehtësisht nga faktet”, ka thënë Kathleen Hall Jamieson bashkautore e studimit dhe drejtore e Qendrës së Politikave Publike, Annenberg.
Burimi: The Guardian
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
