Gazeta Si - Për herë të parë në histori, Shqipëria do të organizojë një finale të një kompeticioni europian për klube. Është një arritje e madhe, që vlerësohet edhe nga kreu i UEFA-s, Aleksander Ceferin.
Numri 1 i futbollit europian do të jetë i pranishëm në “Air Albania”. Ai do të ndjekë finalen e parë të Ligës së Konferencës mes Romës dhe Fejnordit.
Në një prononcim përpara kësaj finaleje, Ceferin nuk i ka kursyer vlerësimet për futbollin shqiptar. Duke folur për kanalet e UEFA-s, ai ka theksuar:
“Shqipëria ka bërë një progres të jashtëzakonshëm në botën e futbollit. Tani të rinjtë e këtij vendi mund të ëndërojnë të gjithë se një ditë do të përfaqësojnë Shqipërinë në këtë stadium të mrekullueshëm“.
Ceferin është një nga personalitet kryesore të futbollit botëror, që do të jetë në Tiranë. Zvonimir Boban, Zibi Boniek, Luis Figo, Françesko Toti, Antonio Konte janë të tjerë emra të njohur që nesër do të zënë vend në tribunën e “Air Albanias”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.