Ministri i Jashtëm në Detyre, Gent Cakaj ka kërkuar sot që Kosova të anëtarësohet në Kartën e Adriatikut.
Duke folur gjatë takimit të Komisionit të Partneritetit të A5-ës, Cakaj u ndal tek zgjerimi me vende të tjera të rajonit, sidomos Kosova, duke argumentuar se kjo do të kontribuojë jo vetëm në forcimin e mëtejshëm të bashkëpunimit rajonal për përballimin e sfidave por edhe në integrimin e plotë euro-atlantik të tij
Sipas ministrit, Karta e Adriatikut, ka luajtur një rol të rëndësishëm në ndihmë të integrimit Euro-Atlantik të rajonit, duke e shndërruar Ballkanin në një prodhues të sigurisë. Kosova është një nga vendet vëzhguese të këtij partneriteti, por nuk është bërë ende pjesë e tij.
Ky takim shënoi edhe fundin e kryesisë shqiptare të Kartës së Adriatikut - SHBA pas së cilës, zyrtarisht, kryesinë e merr Bosnjë-Hercegovina.
Takimi u fokusua në forcimin e bashkëpunimit rajonal mes vendeve anëtare dhe vëzhguese të A-5, në funksion të përballimit të sfidave të sigurisë dhe kryesisht, ekstremizmit të dhunshëm dhe terrorizmit.
Po ashtu, takimi i kushtoi vëmendje përpjekjeve për integrimin europian atlantik të rajonit si dhe domosdoshmërisë së zgjerimit me Kosovën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.