.png)
Gazeta Si – Ndeshja Kastrioti-Bylis, e shtyrë nga java e 28-të e Superiores, për shkak të kërcënimit të arbitrit Juxhin Xhaja, u luajt sot në Elbasan. Bylisi fitoi me rezultatin 0-2, duke u rifutur kështu në garën e qëndrimit në nivelin elitar të futbollit shqiptar.
Kastrioti e nisi shumë keq ndeshjen, teksa pas 7 minutash Kodra u ndëshkua me karton të kuq për goditje të kundërshtarit. Kaçorri dhe Joalison me penallti shënuan golat e fitores për ballshiotët, të cilët tashmë e shohin Teutën vetëm 2 pikë larg dhe Kukësin 3 pikë.
Ndeshja e sotme u gjykua nga arbitri Andi Koçi. Kur FSHF publikoi deklaratën për kërcënimin e Juxhin Xhajës, bënte me dije se arbitrat nuk merrnin përsipër të gjykonin ndeshjet e Kastriotit, por situata më pas ndryshoi.
Ende nuk ka një vendim në lidhje me hetimin që po kryhet nga organet ligjzbatuese për kërcënimin e Xhajës, ndërkohë që në ambientet futbolldashëse sa vijnë dhe shtohen zërat dyshues për atë ngjarje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
