.png)
Parlamenti votoi me 83 pro, 23 kundër, 3 abstenim ndryshimet e aktit normativ të Buxhetit të Shtetit 2019. Në këtë votim ra në sy votat pro e disa prej deputetëve të opozitës, të cilët duket se po japin sinjale pro nismave të qeverisë. Në këtë seancë kanë munguar pjesa më e madhe e ministrave dhe madje vetë kryeministri Edi Rama nuk preferoi të ishte i pranishëm. Shefi i qeverisë shmangu sot Parlamentin, duke bërë që edhe interpelancën e thirrur në emër të tij për çështjen e shqiptarëve në Siri, t’ia delegonte ministres së shtetit, Elisa Spiropali. Braçe, Majko, Klosi dhe Spripoali ishin përfaqësueset e qeverisë që votuan në seancë, ministrat e tjerë nuk ishin as fizikisht prezent. Ashtu si edhe në ligjet e kaluara edhe në seancën e sotme u vu re rrjedhja e votave nga opozita.
Në seancën e sotme kryeparlamentari Gramoz Ruçi njoftoi paraqitjen e projektrezolutës së kryetarit të grupit të PS-së, Taulant Balla për ndërhyrjet ruse në Shqipëri. Në këtë draft kërkohet parandalimi i ndërhyrjeve të huaja në zgjedhjet, duke paraqitur si kryesore edhe rrezikun rus. Do të jetë komisioni i Sigurisë dhe i Çështjeve Ligjore që do ta shqyrtojnë këtë projektrezolutë. Seanca votoi kërkesën për shqyrtimin e votimin me procedurë të përshpejtuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
