.png)
Piktura e Pablo Picasso-s “Buste de femme” (Bust gruaje), të cilën ai e krijoi dy vjet para vdekjes së tij në 1971, do të dalë në ankand në Këln për një vlerë prej 1,5 milionë eurosh deri në 2.5 milionë euro.
Një pikturë nga Pablo Picasso nuk është ofruar kurrë në tregun gjerman të ankandeve.
Në foto mund të dallohet gruaja e dytë e Picasso-s, Jacqueline Roque. Kjo pikturë vjen nga një koleksion i rëndësishëm privat gjerman.
Ndër më shumë se 600 veprat me një vëllim total mbi 10 milionë euro janë veprat e Louise Bourgeois, Paul Klee, Sigmar Polke, Egon Schiele dhe Kurt Schëitters. Ankandi pranveror i Van Hamit të këtij viti do të mbahet më 5 dhe 6 Qershor.
Është hera e parë në të paktën 25 vjet që një pikturë e madhe e artistit spanjoll del në ankand në Gjermani. Picasso, i cili vdiq 50 vjet më parë, krijoi gjithsej 400 portrete të Roque.
Ish-shitësja e qeramikës më vonë i ndaloi fëmijët të merrnin pjesë në varrimin e Picasso-s. Ajo vdiq në vitin 1986.
Pablo Picasso është një nga artistët më të mëdhenj të historisë, themeluesi i kubizmit.
Ai hapi studion e tij të parë në moshën 16-vjeçare dhe vdiq në moshën 92-vjeçare, duke lënë rreth pesëmbëdhjetë mijë vepra, përfshirë piktura, vizatime, skica, qeramikë. Fiksimi i tij – përveç artit – ishin femrat, burimi i krijimtarisë së tij.
Pablo Picasso ishte burri që i donte gratë, ose ndoshta i urrente ato.
Në moshën 85-vjeçare, në një intervistë të rrallë televizive, ai tha: “E vetmja gjë që ka rëndësi për mua është dashuria”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
