.png)
Ditën e sotme, në Komisionin e Veprimtarive Prodhuese u diskutua dhe më pas u votua nisma ligjore e firmosur nga 37 mijë e 500 zgjedhës për ndryshim të kodit penal, lidhur me ata që vrasin apo keqtrajtojnë kafshët shtëpiake.
Përveç vrasjes së kafshëve shtëpiake, krim do të konsiderohet edhe keqtrajtimi, robërimi i tyre, organizimi i ndeshjeve mes kafshëve dhe kryerja e eksperimenteve, pa marrë më parë miratime të ekspertëve të ngarkuar me çështje të tilla.
Dënimet për vrasjen e kafshëve shtëpiake shkojnë deri në dy vite burg. Po kaq është edhe dënimi për ogranizatorët e ndeshjeve me kafshë dhe pronarët e tyre, ndërsa për eksperimentet parashikohen deri në 3 vite.
Të gjitha dënimet shoqërohen me gjobë deri në 10 mijë dollarë. Gjithsesi për masën e denimit penal do të jetë Komisioni i ligjeve, i cili do të bëjë vlerësimet përfundimtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
