.png)
Shkencëtarët kryesorë që këshillojnë qeverinë e Mbretërisë së Bashkuar kanë propozuar një bllokim kombëtar dy-javor në tetor në përpjekje për të trajtuar numrin në rritje të rasteve me koronavirusi.
Boris Johnson mund të vihet nën një presion në rritje për të aplikuar një bllokim të dytë kombëtar, edhe pse ai ka thënë se është fuqimisht kundër një mase të tillë.
Ekspertët e Grupit Këshillimor Shkencor të Qeverisë për Emergjencat (Sage) dhe Grupi Shkencor i Gripit Pandemik për Modelimin (Spi-m) kanë sugjeruar një bllokim kombëtar që mund të përkojë me pushimet e shkollave në tetor. Qeveria është e interesuar të shmangë rimbylljen e shkollave, pasi i mbylli ato gjatë bllokimit kombëtar në mars dhe ka bërë rihapjen e plotë të tyre këtë vjeshtë.
"Ndërsa shkollat do të mbyllen për një javë, duke shtuar një javë shtesë në këtë mbyllje kombëtare do të ketë ndikim të kufizuar në arsim," tha një ekspert i cili është anëtar i Sage, duke konfirmuar se trupi kishte shqyrtuar rastin për një bllokim kombëtar në tetor. Numri i rasteve pozitive Covid-19 është dyfishuar në shtatë-tetë ditë në Angli, sipas statistikave zyrtare të publikuara nga Imperial College London dhe Ipsos Mori.
Ekziston një ndryshim midis mungesës së dëshirës për t'u kthyer në një bllokim tjetër dhe detyrimit për t'u kthyer, është një shprehur një zyrtar qeveritar.
Analiza vlerësoi se shkalla e riprodhimit të virusit, ose R, numri mesatar i rasteve të reja të gjeneruara nga një person i infektuar, ishte 1.7. Domethënë sëmundja po përhapet në mënyrë eksponenciale. Shkencëtari tha se, nëse koefiçineti R do të vazhdonte në të njëjtin nivel si aktualisht, ai do të shkatërronte sistemin shëndetësor, duke shtuar se prova dhe gjurmimi po nuk po jepte rezultat. Të mërkurën, kryeministri u tha deputetëve se një bllokim i dytë kombëtar do të ishte "katastrofik" për ekonominë. "Unë nuk dua një bllokim të dytë kombëtar. Mendoj se do të ishte krejtësisht e gabuar për këtë vend dhe ne do të bëjmë gjithçka që kemi në fuqinë tonë për ta parandaluar," tha zoti Johnson.
Por ka shumë të ngjarë që kjo të varet nga rregulli i ri i qeverisë "rregulli i gjashtë" - kufizimi i tubimeve shoqërore për gjashtë persona - dhe që shërben për të ndaluar rritjen e infeksioneve Covid-19. "Nëse nuk funksionon, do të vizualizohet një gamë e tërë opsionesh të papëlqyeshme ", tha një zyrtar qeveritar. Zyrtari shtoi se në krye të qeverisë kishte "një ngurrim shumë të fortë për t'iu qasur një bllokimi tjetër kombëtar", por tha: "Ekziston një ndryshim midis mungesës së dëshirës për t'u kthyer në një bllokim tjetër dhe detyrimit për t'u kthyer."
Një zëdhënës i qeverisë tha se: "Qeveria po vazhdon të monitorojë nga afër nivelet e infeksionit dhe të marrë masa vendimtare për të mbrojtur njerëzit siç është implementimi i bllokimeve lokale dhe ndalimi i mbledhjeve të grupeve më të mëdha se gjashtë vetë.
"Profesionistët shkencorë dhe mjekësorë kanë ofruar këshilla gjatë gjithë pandemisë." Të enjten, veri-lindja e Anglisë u bë zona e fundit e Mbretërisë së Bashkuar që i është imponuar një bllokim lokal për shkak të rritjes së infeksioneve Covid-19. Matt Hancock, sekretari i shëndetësisë, zhvilloi bisedime javën e kaluar me Sadiq Khan, kryetari i Bashkisë së Londrës dhe udhëheqësit e këshillit lokal për të diskutuar planet e paparashikuara për kufizime të reja në kryeqytet, por një rezultat i tillë nuk shihet si "i pashmangshëm", sipas burimeve pranë qeverisë.
Ndërkohë, Dido Harding, e cila kryeson programin e provave dhe gjurmimit të qeverisë në Angli, tha se ajo "kundërshtoi me forcë" sugjerimet se skema po dështonte. Pas raporteve të përhapura se njerëzvit po luftonin për të marrë teste, për shkak të kufijve të kapacitetit në laboratorët që përpunojnë rezultatet, Baronesha Harding mbrojti veten kundër akuzave se qeveria nuk kishte arritur të përgatitej për një rritje të parashikueshme të kërkesës kur fëmijët u kthyen në shkollë. Ajo tha se kapaciteti i laboratorit ishte dyfishuar midis fundit të majit dhe shtatorit dhe theksoi se kjo ishte bërë në përputhje me informacionin e dhënë nga Sage.
"Ne ndërtuam planet tona të kapacitetit të testimit bazuar në modelimin e Sage", tha baronesha Harding. Pasi Z. Hancock njoftoi të martën se për momentin grupe të caktuara do të kishin përparësi për analiza, baronesha Harding tha se pacientët e spitalit do të thirrjeshin të parët, të ndjekur nga ata në shtëpitë e kujdesit të të moshuarëve, pastaj punëtorët e Shërbimit Shëndetësor Kombëtar. /Burimi: Financial Times/ Në shqip: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
